Гайхамшигт Ном

Хичээл:

Чи ямар ч муу хүн байсан болон хичнээн муу зүйл хийсэн бай Ертөнцийн Эзэн Бурхан чамд туслаж чадна. 

Нэмэлт

• Дүрийн танилцуулга

  • Саул/Паул

    Илүү ихийг олж мэдээрэй
    

    Саул/Паул

    

    Саул бол Фарисай хүний хүү бөгөөд (Үйлс 23:6), Грекийн чухал хот болох Тарст төржээ. Тэрээр Еврейн хууль болон зан үйлийг ягштал судалсан ирээдүйтэй суралцагч болон өссөн бөгөөд Фарисейн бүлэг удирдах өндөр боломжтой байлаа. Саул Христэд итгэгчдийг хавчин алж устгахаар хайж явлаа, гэвч Есүс Саулыг сонгон авч амьдралыг нь өөрчилсөн юм. Есүстэй ийнхүү учирснаар Саулын нэр өөрчлөгдөж Паул болсон бөгөөд Христ итгэлийн хамгийн агуу сайн мэдээ түгээгч болсон юм.

    • Библийн тайлбарууд

      • Филиппой 1:20-21
      • Үйлс 23:6
      • Үйлс 13:9
      • Үйлс 13:21
      • Үйлс 19
      • Үйлс 17
      • Үйлс 21
      • Үйлс 27
      • Үйлс 28

  • Степан

    Илүү ихийг олж мэдээрэй
    

    Степан

    

    Степан бол анхны сүмийн анхны долоон дийконы нэг байсан юм. Дийконууд нь ядуу Христэд итгэгчдэд хоол хүнсийг хуваарьлахаар сонгогдсон хүмүүс байжээ.   (Үйлс 6:5). Степан Ариун Сүнсээр дүүрэн нэгэн байсан бөгөөд Христийн тухай сургаал зааж Еврейн хууль дүрэм болон заншлыг шүүмжилдэг байжээ. Түүний үг Еврейн зарим нэг хүчирхэг ахлагч нарын уурыг маш их хүргэж улмаар тэд түүнийг алсан юм. Степан бол Сайн Мэдээний төлөө амиа өгсөн анхны Мартир билээ.

    • Библийн тайлбарууд

      • Үйлс 7:59-60
      • Үйлс 6:5
      • Үйлс 7:57-58
      • Үйлс 8:1-3

  • Ананиа

    Илүү ихийг олж мэдээрэй
    

    Ананиа

    

    Ананиа гэдэг бол "Ертөнцийн Эзэн Бурхан энэрэнгүй" гэсэн утгатай нэр юм. Саул замдаа Есүстэй учрах тэр үед Ананиа Дамаск хотод амьдардаг Христэд итгэгч байжээ. Ертөнцийн Эзэн Бурханы үгийг сонссон тул тэрээр Саул дээр очиж ах дүүсийн ёсоор мэндлээд гар тавин залбирч Дамаск явах замд юу тохиолдсоныг тайлбарлаж өгсөн юм. Саулын хараа гайхамшигтайгаар гэнэт орж дараа нь усаар баталгаа хийлгэв. (Үйлс 22:12-16).

    • Библийн тайлбарууд

      • Үйлс 9:15
      • Үйлс 9:13-16
      • Үйлс 22:12-16

  • Тэргүүн зэрэгтэн

    Илүү ихийг олж мэдээрэй
    

    Тэргүүн зэрэгтэн

    

    Тэргүүн зэрэгтнүүд болон хамгийн эрх мэдэл бүхий сүмийн тэргүүнүүд ихэвчлэн Садукайчууд байжээ(Үйлс 5:17), Еврейн шашны бүлгүүдийг мөн голчлон газрын эзэд, худалдаачид болон санваартнууд бүрдүүлж байв. Есүсийг үйлчлэлээ хийж байхад Садукайчууд маш их эсэргүүцэл үзүүлдэг байдаа (Матай 22:23-24) мөн тэд анхны сүмийг ч дарамталдаг байжээ (Үйлс 4:1-3, Үйлс 5:17-18).

    • Библийн тайлбарууд

      • Үйлс 5:17
      • Үйлс 5:17
      • Матай 22:23-24
      • Үйлс 4:1-3
      • Үйлс 5:17-18

  • Калеб

    Илүү ихийг олж мэдээрэй
    

    Калеб

    

    Калеб бол Крис Жое болон Гизмо нарт Саулаас зугтахад тусалсан найз нь юм. Тэр мөн тэдэнд Стефан хэрхэн амиа алдсан тухай хуваалцаж Жое Гизмо хоёрт Дамаск явах замд нь туслажээ.

    • Библийн тайлбарууд

      • Матай 18:4

• Асуулт Хариулт

  • Степан өөрийг нь алах гэж байгаа хүмүүст хүртэл хэрхэн урам зоригтойгоор Ертөнцийн Эзэний хайрын тухай ярьсан бэ?

    Степан Есүсийн дагалдагч байсан тул Ариун Сүнсээр дүүрэн байсан юм. Есүс тэнгэр өөд явахаасаа өмнө өөрт нь итгэсэн хүн бүрт Ариун Сүнсээ илгээж Түүний тухай хаана ч очиж ярих хүч чадлыг өгөх болно гэж амласан юм. Пентекостын өдөр энэ амлалт биелэсэн юм. Дагалдагчид Ариун Сүнсний хүч чадлаар өөрчлөгдсөн юм. Бүх Христэд итгэгчдэд Ертөнцийн Эзэн Бурханы хүч чадал байдаг. Хэрвээ чи Есүсийг дагалдагч мөн бол чамд ч бас хүч чадал бий!
    
    
    Ертөнцийн Эзэн Бурханы чамд зориулсан хайр болон төлөвлөгөөг олж мэдээрэй

    • Үйлс 1:8
    • Үйлс 2:1-47

  • Есүсийг дагах нь зовлон бэрхшээлээр дүүрэн байж болохыг Паулын амьдрал бидэнд хэрхэн харуулдаг вэ?

    Тиймээ, хоёр зам байдаг: Паул Христийг дагагч болохоос өмнө Христэд итгэгчдийг хавчдаг нэгэн байсан.  Харин Есүсийг өөрөө дагадаг болоод итгэлийнхээ төлөө өөрөө хавчигдах болсон юм. Христэд итгэгч болсноор мөнхийн улсад Ертөнцийн Эзэн Бурхантай үүрд мөнх амьдрахыг баталгаатай болгодог ч энэ дэлхийд зовлон бэрхшээлгүй, хавчлага зовлонгүй амьдрах баталгаа болдоггүй. Анхны итгэгчид Ертөнцийн Эзэний Хүү Есүс Христэд итгэснээс болж асар их хавчлага зовлон амссан юм. Есүс өөрөө бас баривчлагдан, зодуулж загалмайд хадуулсан билээ.
    
    
    
    Чамд аминд тулах хавчлага зовлон учрахгүй байж болох ч, хүмүүс чамайг шоолох, найзын холбоогоо таслах, уулзах дургүй болох, Есүст итгэсний чинь төлөө элдэв янзаар гоочилж болох юм. Есүс: "Ертөнцийн Эзэн Бурханы төлөө зөв зүйл хийснийхээ төлөө хавчигдан гадуурхагдсан хүмүүс ерөөлтэй, Мөнхийн улсын хаанчлал тэднийх юм" (Матай 5:10).
    
    
    Ертөнцийн Эзэн Бурханы чамд зориулсан хайр болон төлөвлөгөөг олж мэдээрэй

    • Матай 5:10

  • Паулын өөрчлөлтийн түүх бидэнд шашныг биш Есүсийг дагах хэрэгтэй гэдгийг хэрхэн харуулж байна вэ?

    Зарим хүмүүс хэтэрхий шашинлаг болоод Есүсийн хэлж байгаа үгийг сонсох чадваргүй болдог. Саул шашны хууль болон зан үйлийг чандлан дагагч байсан юм. Харин Есүс Дамаск явах замд нь түүнтэй уулзсанаар Саул шашныг дагахын оронд Есүсийг дагах хэрэгтэйг сурсан юм. Есүсийг дагана гэдэг нь Түүнтэй хувийн харилцаатай байна гэсэн үг, зүгээр л нэг дүрэм эсвэл хуулийг дагахыг хэлэхгүй.
    
    
    Ертөнцийн Эзэн Бурханы чамд зориулсан хайр болон төлөвлөгөөг олж мэдээрэй

    • Үйлс 9:1-43

  • Ананиагийн амьдрал дуулгавартай байхын чухлыг хэрхэн харуулдаг вэ?

    Ананиа хэрэв Ертөнцийн Эзэн Бурханы "Яв" гэсэн тушаалыг дагаагүй байсан бол яах байсан болоо. Саул итгэгч болохгүй, Сайн Мэдээн Еврей бус хүмүүс болон хаадууд, Израйльчуудад хүрэхгүй байсан шүү дээ" (Үйлс 9:15). Саул дараа нь Паул гэсэн нэртэй болж, Шинэ Гэрээний олон захиаг бичихгүй байх байсан байх. Ананиа сонссон – дуулгавартай дагасан. үүний үр дүнд түүх өөрчлөгдсөн юм. Ертөнцийн Эзэн Бурхан заавар зөвлөгөө өгвөл дуулгавартай дагаарай!
    
    
    Ертөнцийн Эзэн Бурханы чамд зориулсан хайр болон төлөвлөгөөг олж мэдээрэй

    • Үйлс 9:15

  • Паулын түүх өөрсдийгөө хэтэрхий олон муу зүйл хийсэн учир Христэд итгэгч болох боломжгүй гэж боддог хүмүүст хэрхэн туслах вэ?

    Ертөнцийн Эзэн Бурхан чамайг өөрийн биш харин Түүнийг замыг дагаасай гэж хүсч байна. амьдралын зорилгоо өөрчлөхөд чинь тэр чамд туслана. Түүнийг алдаршуулахын тулд чиний амьдралд хэрэгтэй өөрчлөлт бүрийг хийхэд тэр туслаж чадна.  итгэл үнэмшил, бодол санаа, зан хандлага, муу зуршил болон үйлдэл гээд бүхнийг өөрчилж чадна.  Саул Ертөнцийн Эзэн Бурханы хүч чадлаар амьдралаа бүрэн өөрчилсөн юм. Ертөнцийн Эзэн Бурхан чамайг ч бас өөрчилж чадна!
    
    
    Ертөнцийн Эзэн Бурханы чамд зориулсан хайр болон төлөвлөгөөг олж мэдээрэй

    • Ром 3:23-24