Гайхамшигт Ном

Хичээл:

Дуулгавартай байж сураарай, учир нь дуулгаваргүй байх нь маш хор уршигтай.

Нэмэлт

• Дүрийн танилцуулга

  • Мигиел

    Илүү ихийг олж мэдээрэй
    

    Мигиел

    

    Майкл бол хүчирхэг тэнгэр элч юм! Түүнтэй уулзах нь үнэхээр "ер бусын сүр жавхлантай" байлаа. ;) Та бүхэн эндээс Майклын тухай илүү ихийг олж мэдэж болно шүү .

    • Библийн тайлбарууд

      • Илчлэл 12:7-8
      • Илчлэл 12:7-12
      • Даниел 10:13-21
      • Иуда 1:9

  • Люсифер

    Илүү ихийг олж мэдээрэй
    

    Люсифер

    

    Алдаа бүү гарга: Бидний үзэх энэ түүхэнд Ертөнцийн Эзэн Бурхан гол баатар нь юм, гэхдээ бас нэг сөрөг дүр бий – түүнийг Сатан гэдэг. Исаиа 14:13-14, энэ ишлэлээс бид Люсифер бол яллагдан Сатан болж хувирсан тэнгэр элч гэдгийг олж мэдэх болно.  Сатан өнөөдөр ч бас байсаар байгаа, гэхдээ хамгийн сайн мэдээ бол тэр Есүсийн үхэл болон амилалтаар бут цохигдон ялагдсан юм. Сатаны хууран мэхлэлтийн талаар илүү ихийг эндээс мэдэж аваарай (мөн Ертөнцийн Эзэн Бурханы хамгаалалт болон авралын талаар)

    • Библийн тайлбарууд

      • Сургаалт Үгс 16:18
      • Исаиа 14:13-14
      • Эзекиэл 28:11-19
      • 1 Тесалоник 3:5
      • Матай 12:24
      • Матай 13:19
      • Матай 13:38
      • Иохан 12:31
      • 2 Коринт 4:4
      • Эфес 2:2
      • Илчлэл 12:10
      • Матай 4:1
      • Иохан 8:44
      • Эфес 6:11-18
      • 1 Петр 5:8-9
      • Илчлэл 20:1-10

  • Адам

    Илүү ихийг олж мэдээрэй
    

    Адам

    

    Энэ бүх үзэсгэлэнтэй дэлхийг гав ганцаараа таньж мэдэн судлаж нээнэ гэж та төсөөлж чадах уу? Адамын амьдрал эхэндээ яг тийм л байжээ. Адам бол хамгийн анхны хүн бөгөөд түүний нэр ч гэсэн "Хүн" эсвэл "Хүн төрөлхтөн" гэсэн утгатай. Адамын тухай түүхийг эндээс гүнзгийрүүлэн үзэж болно шүү.

    • Библийн тайлбарууд

      • Эхлэл 3:23
      • Эхлэл 2:7
      • Эхлэл 2:8
      • Эхлэл 2:20
      • Ром 5:12
      • 2 Коринт 5:19

  • Ева

    Илүү ихийг олж мэдээрэй
    

    Ева

    

    Анхны эрэгтэй хүн бий болоход мөн анхны эмэгтэй хүн ч бий болсон нь мэдээж. Ертөнцийн Эзэний бүтээсэн амьтад дундаас аль нь ч Адамд тохирох хань туслагч болж чадсангүй. Тиймээс Ертөнцийн Эзэн Адамыг гүн нойронд унтуулаад Адамаас нэг хавирга аван Еваг бүтээжээ.

    • Библийн тайлбарууд

      • Эхлэл 3:20
      • Эхлэл 2:22
      • Эхлэл 2:23
      • Эхлэл 3:20
      • Ром 5:12
      • 2 Коринт 5:19

  • Сатан

    Илүү ихийг олж мэдээрэй
    

    Сатан

    

    Алдаа бүү гарга: Бидний үзэх энэ түүхэнд Ертөнцийн Эзэн Бурхан гол баатар нь юм, гэхдээ бас нэг сөрөг дүр бий – түүнийг Сатан гэдэг. Сатан урьд нь тэнгэр элч байсан бөгөөд мөнхийн улсаас хөөгдөн Сатан болж хувирсан юм. Сатан өнөөдөр ч бас байсаар байгаа, гэхдээ хамгийн сайн мэдээ бол тэр Есүсийн үхэл болон амилалтаар бут цохигдон ялагдсан юм. Сатаны хууран мэхлэлтийн талаар илүү ихийг эндээс мэдэж аваарай (мөн Ертөнцийн Эзэн Бурханы хамгаалалт болон авралын талаар)

    • Библийн тайлбарууд

      • Иаков 4:7
      • Исаиа 14:13-14
      • Эзекиэл 28:11-19
      • 1 Тесалоник 3:5
      • Матай 12:24
      • Матай 13:19
      • Матай 13:38
      • Иохан 12:31
      • 2 Коринт 4:4
      • 2 Коринт 6:15
      • Эфес 2:2
      • Илчлэл 12:10
      • Матай 4:1
      • Иохан 8:44
      • 2 Коринт 4:4
      • Эфес 6:11-18
      • 1 Петр 5:8-9
      • Илчлэл 20:1-10

  • Могой

    Илүү ихийг олж мэдээрэй
    

    Могой

    

    Нэгэн зальтай амьтны тухай ярьцгаая! Еден цэцэрлэгт байсан могой нилээн зальтай амьтан байлаа. Түүний Евагаас асуусан асуулт Эваг Ертөнцийн Эзэн Бурханы эрх мэдэл болон эргэн тойрон дахь бүх л зүйлийн талаар эргэлзэхэд хүргэсэн юм. Энэ хорон санаат могойны тухай илүү ихийг эндээс олж мэдээрэй.

    • Библийн тайлбарууд

      • Эхлэл 3:1
      • Эхлэл 3:1
      • Эхлэл 3:14-15

  • Ертөнцийн Эзэн Бурхан

    Илүү ихийг олж мэдээрэй
    

    Ертөнцийн Эзэн Бурхан

    

    Хөөх! Миний мэдрэгч дохиолол Ертөнцийн Эзэний тухай гайхамшигтай мэдээллийг хүлээн авч байна. Чи Түүний тухай сайн мэднэ гэж бодож байгаа байх - гэвч Ертөнцийн Эзэн Бурханы тухай гайхалтай шинэ зүйлс Үргэлж байсаар байдаг! Ертөнцийн Эзэн Бурхан "эхэнд" байсан бөгөөд бүх зүйлийг бүтээсэн. (Genesis:1:1). Ертөнцийн Эзэн Бурханыг таньж мэдэх бас нэгэн арга зам бол бүтээсэн зүйлсийг нь таньж мэдэх юм. (Psalms:19:1, Romans:1:19-20). Ертөнцийн Эзэн Бурханы тухай хамгийн агуу илчлэлтүүдийг Библи болон Түүний Хүү Есүс Христээр дамжуулан мэдэж болно. Ертөнцийн Эзэн Бурханы бидэнд өгсөн Библид Түүний хийж бүтээсэн зүйлс болон зорилго төлөвлөгөөг бичсэн байдаг.  Ертөнцийн Эзэн Бурхан бидэнд Өөрийгөө Хүү Есүс Христээр дамжуулан илчилсэн. Есүсийг таньж мэдвэл Ертөнцийн Эзэн Бурханыг таньж мэдэж байгаа хэрэг бөгөөд "Намайг харсан хүн Эцэгийг харсан гэсэн үг" гэж Есүс хэлсэн.(John:14:7-9). Есүсийн Эцэг, Ертөнцийн Эзэн Бурханы тухай эндээс илүү ихийг олж мэдээрэй. .

    • Библийн тайлбарууд

      • Эхлэл 1:1
      • Эхлэл 1:1
      • Дуулал 19:1
      • Ром 1:19-20
      • Иохан 14:7-9
      • Иохан 14:15-17
      • Марк 12:29
      • Марк 1:10-11
      • Иохан 3:16
      • Иохан 15:14-15
      • Иохан 14:15-17
      • Лук 1:37
      • Иов 42:2
      • Дуулал 139:7-12
      • Иохан 4:24
      • Еврей 1:12
      • Иаков 1:17
      • Илчлэл 1:8
      • 1 Самуэл 2:2
      • Дуулал 24:3-5
      • Исаиа 6:3-5
      • Исаиа 45:21
      • Дуулал 116:5
      • Дуулал 25:8
      • 1 Иохан 4:8
      • Дэд Хууль 32:4
      • Иохан 8:31-32
      • Нахум 1:7
      • Лук 6:35
      • Ром 9:20
      • 2 Петр 3:9
      • 1 Коринт 1:9
      • Нахум 1:2
      • Дуулал 86:15
      • ГашуудалГашуудал 3:33
      • Эхлэл 1:31
      • Иохан 15:14-15
      • Марк 12:30
      • 1 Тимот 2:4
      • Эхлэл 17:1
      • Эхлэл 6:9
      • Иохан 3:16

• Асуулт Хариулт

  • "Сүйрлийн өмнө бардам зан явдаг" гэж юу гэсэн үг вэ? Энэ үг Сатантай ямар холбоотой вэ?

    Люсифер бол үзэсгэлэн төгөлдөр тэнгэр элч байсан бөгөөд бардам, ихэмсэг, амин хувийн ашгаа дээгүүр тавьдаг байжээ. Тэр Ертөнцийн Эзэн Бурхантай адилхан болохыг хүссэн. Тэр тэнгэр элч нарын дунд бослого өдөөж мөнхийн улсад дайн тулаан үүсгэсэн.  Үр дагавар нь? Тэр мөнхийн улсаас хөөгдсөн (Исаиа 14:12-15). Ёоох. Муу зүйл болжээ. Люсифер бидний нэрлэж заншснаар "Хөөгдсөн тэнгэр элч" буюу Сатан, муу ёрын сүнс болж хувирчээ. Чи ч бас амьдралдаа өөрийн хандлага болон үйлдэлдээ байнгаа сэрэмжтэй байх хэрэгтэй. Амин хувиа хичээхээс болгоомжлох тухай |Библи бидэнд сануулсан байдаг.  (Галат 5:20) мөн ариун Сүнсний үр жимсийг харуулж амьдрахыг уриалсан байдаг. . Ертөнцийн Эзэн Бурханы үгийг дага тэгвэл "Сүйрлийн өмнө бардам зан явдаг"(энэ үг Сургаалт үгс 16:18 ишлэлд байдаг) гэсэн үг та нарын амьдралд хэзээ ч биелэлээ олохгүй. 
    
    
    Ертөнцийн Эзэн Бурханы чамд зориулсан хайр болон төлөвлөгөөг олж мэдээрэй

    • Исаиа 14:12-15
    • Галат 5:20
    • Сургаалт Үгс 16:18

  • Бид ч гэсэн Ертөнцийн Эзэн шиг бүтээлч байж чадах болов уу?

    Үүний хариулт бол Тийм бас Үгүй!
    
    
    Гайхаж байна уу?
    
    
    Бид Ертөнцийн Эзэний дүр төрхөөр бүтээгдсэн шүү дээ. Тиймээс Бүтээгч Эзэнийхээ адил бид ч гэсэн аливааг бүтээх бүтээлч чанар өвлөн авсан юм.  Гэвч хамгийн том ялгаа нь гэвэл бид аливаа зүйлийг бүтээхдээ аль хэдийн бий болсон зүйлүүдийг л ашиглан бүтээдэг.  Харин Ертөнцийн Эзэн оргүй хоосноос бүхнийг бүтээсэн гэж Библи бидэнд хэлдэг. Тэр үгээрээ орчлон ертөнц болон түүнд орших бүхнийг бүтээсэн юм.  Ертөнцийн Эзэн "Гэрэл бий бол" (Эхлэл 1:3) гэж хэлээд мөн "Бүгдээрээ..." (Эхлэл 1:26) – тэгээд бүх зүйл тэр дагуу болсон юм. Бүх зүйл бүтээгдэж байх тэр үед Ертөнцийн Эзэн Эцэг, Ертөнцийн Эзэн Хүү болон  Ертөнцийн Эзэн Ариун Сүнс (Ариун Гурвал буюу Нэгэн бие мэт Ариун Гурвал Ертөнцийн Эзэн) оршин байсан гэж Библи бидэнд хэлдэг. (Эхлэл1:1)
    
    
    Ертөнцийн Эзэний хайрын тухай эндээс олж мэдээрэй

    • Эхлэл 1:1
    • Эхлэл 1:3
    • Эхлэл 1:26

  • Хэрэв Адам Ева хоёр Ертөницийн Эзэний үгийг дагаж Мэдлэгийн модны жимсийг идээгүй бол юу болох байсан бэ?

    Ертөнцийн Эзэн Адам Ева хоёрт хоёр чухал дүрэм өгсөн.  Цэцэрлэгт буй бүх модноос жимс идэж болно зөвхөн сайн мууг таниулагч модноос л идэж болохгүй (Эхлэл 2:16). Могой ирж тэднийг хуурч мэхлэх хүртэл Адам Ева хоёр өөрсдийн сонголтоороо Ертөнцийн Эзэний үгийг даган амьдарч байв. Ертөнцийн Эзэн Адам Ева хоёрыг үнэхээр төгс дэлхийд авчирч маш тодорхой заавар өгсөн бөгөөд тэр зааврыг нь дагах эсэхээ шийдэх эрх чөлөө бас өгчээ. Сатан ирж Еваг уруу татах үед Ева шулуухан л "үгүй" гэж хэлж болох байлаа. Адам Ева хоёр харин Ертөнцийн Эзэний үгийг зөрчиж өөрсдийн хүссэн зүйлээ хийхээр шийджээ. Бид бүгд дуулгавартай байх болон аливаа уруу татлагыг тэсвэрлэж Ертөнцийн Эзэнд дуулгавартай байхыг сурах хэрэгтэй.  Дэд хууль 11:26-28 дээр энэ сонголтыг дурьдсан байдаг. Их Эзэн ингэж хэлжээ: "Харагтун! өнөөдөр би өмнө чинь ерөөл, хараал хоёрыг тавьж байна. Хэрэв өнөөдөр миний тушааж буй, Эзэн Бурханыхаа тушаалыг та нар дуулгавартай дагавал ерөөгдөх болно. Харин Ертөнцийн Эзэн Бурханы тушаалыг сонсохгүй, өнөөдөр миний та нарт тушааж буй тушаалуудаас хазайж, урьд мэддэггүй байсан өөр бурхдыг дагаваас хараагдах болно."
    
    
    Ертөнцийн Эзэний чамд зориулсан хайрын тухай эндээс олж мэдээрэй

    • Эхлэл 2:6
    • Дэд Хууль 11:26-28

  • Буруу үйлдэл үр дагавар дагуулдагийг Адам Ева хоёрын түүхээс бид хэрхэн сурч болох вэ?

    Адам Ева хоёр Ертөнцийн Эзэн Бурханы үгийг зөрчсөн. Гэтэл Ертөнцийн Эзэн Бурхан тэднээс юу болсныг асуухад Адам Еваг, Ева могойг буруутгадаг.  Тэд гэмд унасан, хийсэн зүйл нь олон үр дагавар дагуулсан.  Ертөнцийн Эзэн Бурханаас салсан нь тэдгээр үр дагаварын нэг байлаа. Нуур уруу чулуу шидэхэд чулуу олон удаа ойж өөрөөсөө ч том долгион үүсгэдэгтэй адил юм.  Энэ бол үр дагавар. Үр дагавар бол хийсэн буруу үйлдлийн хор уршиг юм. Бүх үйлдэл зөв буруу алин болохоос шалтгаалж үр дагавар эсвэл үр дүнг авчирдаг. Библээс бид нар үйлдлийн үр дүн болон үр дагаварын олон тохиолдлыг хардаг, зарим нь сайн, зарим нь муу жишээнүүд байдаг. Энэ нь "Хэрэв (үйлдэл), дараа нь (үр дагавар) гэсэн загвараар явдаг гэсэн үг.
    

    
    
    • Эхлэл 3:3 - “Тэр жимснээс идвэл чи үхэх болно.”
    
    
    •  Египетээс гарсан нь 20:12 - Хэрэв чи эцэг эхээ хүндэлвэл урт наслах болно.
    
    
    •  Дэд хууль 6:3 - "Хэрэв чи дуулгавартай байвал… бүх зүйл чинь сайн сайхан байх болно"
    
    
    • 1 Иохан 1:8 - “Хэрэв бид өөрсдийгөө ямар ч гэмгүй гэвэл, өөрсдийгөө хуурч байгаа хэрэг бөгөөд үнэнээр амьдрахгүй байсан гэсэн үг.”
    
    
    • 1 Иохан 1:9 - “Харин гэмээ хүлээн зөвшөөрвөл, Тэрээр итгэмжит бөгөөд шудрага учраас бидний гэмийг уучилж хорон муугаас биднийг цэвэрлэх болно.”
    
    
    • Ром 6:23 - Гэм нүглийн үр дагавар нь үхэл юм. Хэрэв чи Есүсийг Аврагчаа хэмээн хүлээж авбал мөнхийн амьтай болох болно.
    
    

    
    
    
    Ертөнцийн эзэн Бурхантай харилцах харилцааг маань Есүс хэрхэн сэргээснийг олж мэдээрэй
    

    • Эхлэл 3:3
    • Египтээс гарсан нь 20:12
    • Дэд Хууль 6:3
    • 1 Иохан 1:9
    • Ром 6:23

  • Адам Ева хоёрын түүх хэрхэн аз жаргалтайгаар төгсдөг вэ?

    Адам Ева хоёр Ертөнцийн Эзэн Бурханы үгийг зөрчсний дараа Еден цэцэрлэгээс хөөгдөж дахин тэнд хэзээ ч очиж чадахгүй болсон юм. (Эхлэл 3:22-24). Юу гэж бодож байгааг чинь би мэднэ: Энэ түүх гунигтай төгсдөг. Гэхдээ энэ бол Адам Ева хоёрын түүхийн төгсгөл биш байсан юм. Ертөнцийн Эзэн Бурханы тэдэнд зориулсан төлөвлөгөө уучлал болон найдварыг харуулдаг. Ертөнцийн Эзэн Бурханд бүх хүн төрөлхтөнд зориулсан төлөвлөгөө бий гэж Библи заадаг – Энэ нь ЧАМД ч бас хамаатай.  Ертөнцийн Эзэн Бурханд чамд ч бас зориулсан төлөвлөгөө бий (Иеремиа 29:11).
    
    
    
    Ертөнцийн Эзэн Бурханд төлөвлөгөө бий гэдэг сайхан биш гэж үү? Гэм чамайг Ертөнцийн Эзэн Бурханаас тусгаарладаг, гэхдээ Ертөнцийн Эзэн Бурханд чамд зориулсан төлөвлөгөө бий.  Эхлэл номоос Илчлэлт ном хүртэл Ертөнцийн Эзэн Бурханы авралын төлөвлөгөөг уншиж болно. Хуучин Гэрээнд, Есүсийг тухай заасан маш олон "зураглал", тодорхойлолт болон түүхүүд байдаг.
    

    
    
    • Ертөнцийн Эзэн Бурхан могойд хандаж хэлсэн үгэндээ Есүс Христ загалмай дээрх үхлээрээ дамжуулан Сатаныг ялах тухай өгүүлсэн байдаг. “Тэр эмэгтэй та хоёрын дунд, тэр эмэгтэйн үр удам болон чиний үр удмын хооронд Би өс хонзонг бий болгоно. Тэр чиний толгойг бяц гишгэнэ, Харин чи Түүний өсгийг гэмтээх болно" (Эхлэл 3:15).
      
    
    
    • Ертөнцийн Эзэн Бурхан амьтны арьсаар хувцас хийж өгсөн нь бидний төлөө амиа өгсөн, Ертөнцийн Эзэн Бурханы Хурга, Есүсийг төлөөлүүлсэн хэрэг гэж тайлбарладаг. 
    
    
    • Ноагийн усан онгоц Есүсээр дамжин ирэх авралыг илэрхийлдэгийг мэдэх үү? (Эхлэл 6, Еврей 11:7)  Эсвэл Иона аварга загасанд залгиулаад гурав хоногийн дараа аврагдсан нь ямар учиртай юм бол? (Иона 1:17, Матай 12:40)
    
    

    
    Ертөнцийн Эзэн Бурханы чамд зориулсан төлөвлөгөөнд өршөөл уучлал багтсан байдаг (Иохан 3:16, 1 Иохан 1:9) бөгөөд мөн "итгэл найдвар болон ирээдүй ч багтсан байдаг" (Иеремиа 29:11).
    
    
    Ертөнцийн Эзэн Бурханы чамд зориулсан төлөвлөгөөг олж мэдээрэй

    • Эхлэл 3:22
    • Эхлэл 3:23
    • Эхлэл 24
    • Иеремиа 29:11
    • Эхлэл 3:15
    • Еврей 11:7
    • Иона 1:17
    • Матай 12:40
    • Иохан 3:16
    • 1 Иохан 1:9