Гайхамшигт Ном

Хичээл:

Нөхцөл байдал хичнээн хэцүү байсан ч хамаагүй зөв зүйлийн төлөө, итгэлийнхээ төлөө зогсоорой.

Нэмэлт

• Дүрийн танилцуулга

  • Дариус Хаан

    Илүү ихийг олж мэдээрэй
    

    Дариус Хаан

    

    Дариус хаан Бабилоныг захирч байсан бөгөөд Даниелыг ихээхэн үнэлдэг байлаа (Даниел 6). Мөн тэрээр түүнээс өөр хэнийг ч мөргөж хүндэлж болохгүй, эс тэгвэл арсдангийн үүрэнд хаях болно  гэдэг зарлигт гарын үсэг зурснаас харахад өөрийгөө ч бас их дээгүүрт боддог нэгэн байсан нь харагдаж байна. Даниел тэр зарлигийг дагасан эсэхийг энд дарж олж мэдээрэй.

    • Библийн тайлбарууд

      • Даниел 6:26-27
      • Даниел 6

  • Дариус Хааны зөвлөгчид

    Илүү ихийг олж мэдээрэй
    

    Дариус Хааны зөвлөгчид

    

    Зарим нэг атаархуу хүмүүсийн тухай ярилцья! Дариус хааны зарим зөвлөгчид тун атаархуу бас хорон хүмүүс байсан бөгөөд Дариус хааныг шинэ хуульд гарын үсэг зуруулж Даниелыг арслангийн нүхэнд хаях нууц хуйвалдаан зохиожээ. Гэьч тэд Даниелын оронд өөрсдөө тэгж төгсөх тавилантай болжээ.  Тэднийг хуйвалдаан амжилттай болсон эсэхийг энд дарж мэдээрэй.

    • Библийн тайлбарууд

      • Даниел 6:8
      • Даниел 6:1-9

  • Даниел

    Илүү ихийг олж мэдээрэй
    

    Даниел

    

    Бабилонд олзлогдсон Еврей боол байсан хэдий ч Даниел Ертөнцийн Эзэн Бурханыг дуулгавартай даган үгэн дээр нь бат зогсдог нэгэн байлаа. Даниел ямар ч үр дагаварт хүрэх байсан хамаагүй зөв зүйлийг л хийдэг байсан зоригтой үйлдэл нь түүний чин үнэнч байдлыг илтгэн харуулдаг байв. Эндээс Даниел болон түүний амьдрал дахь Ертөнцийн Эзэн Бурханы хамгаалалтын тухай илүү ихийг олж мэдээрэй.

    • Библийн тайлбарууд

      • Даниел 6:4
      • Даниел 1
      • Даниел 2:4
      • Даниел 5
      • Даниел 7

  • Арслангийн үүр

    Илүү ихийг олж мэдээрэй
    

    Арслангийн үүр

    

    Арслангийн үүр гэдэг бол яг энэ сонсогдож байгаа шигээ: арслангаар дүүрэн үүрийг хэлж байгаа юм. Даниелын цаг үед энэ нь ялтнуудыг цаазаар авдаг газар байжээ.  Даниел арслангийн үүрэнд хаягдсан боловч энд дарж хэн эцэстээ арслангийн зоог болсныг олж мэдээрэй

    • Библийн тайлбарууд

      • Даниел 6:16
      • Даниел 6:12
      • Даниел 6:17
      • Даниел 6:23

• Асуулт Хариулт

  • Зөв зүйлийн төлөө хэрхэн тууштай байхыг бид Даниелээс сурч болох уу?

    Даниел 1:8-д, Даниел өөрийгөө гутаах юм хийхгүй байхад тууштай хандаж байсан тухай бичсэн байдаг. Бид юуг зөв гэж итгэсэн итгэл дээрээ л үндэслэн шийдвэр гаргадаг. Тиймээс бид юунд итгэдэг болон яагаад итгэдэгээ сайн мэддэг байх нь чухал.  Юунд итгэх ёстойгоо бид Библээс мэдэж болно. Ертөнцийн Эзэний сургаалыг хүн бичсэн боловч Ертөнцийн Эзэн ариун сүнсээрээ бүх үгсийг зааж өгсөн юм. Тиймээс эдгээр нь зааж сурган, буруу зөвийг ялгахад тусладаг. буруу замаар явах үед биднийг засч залруулан зөв замаар оруулдаг гэж библид хэлсэн байдаг." (2 Timothy 3:16).
    
    
    
    Ертөнцийн Эзэн Бурханы чамд зориулсан хайр болон төлөвлөгөөг олж мэдээрэй

    • Даниел 1:8
    • 2 Тимот 3:16-17

  • Даниел Ертөнцийн Эзэн Бурханд таалагдах зан чанарыг хэрхэн үлгэр жишээ болон харуулсан бэ?

    Даниел 6:4-т, Захирагч нар Даниелыг ажиглан хянаад түүнээс буруутгах зүйл олохыг оролдсон боловч чадсангүй гэсэн байдаг. Тэр үргэлж итгэмжтэй, үнэнч бас хариуцлагатай байдаг байв. Ертөнцийн Эзэн Бурхан хүний зүрх сэтгэлийг хардаг (1 Самуэл 16:7), зан хандлагаар нь хүнийг шүүдэг. Ертөнцийн Эзэн Бурхан биднийг ариун амьдрахыг хүсдэг(1 Пэтр 2:13-16) бөгөөд биднийг амьдралдаа ариун сүнсний үр жимсийг гаргаж амьдар гэж тушаасан юм (Галат 5:22-26). Даниелын бусад үнэлүүштэй зан чанар бол итгэмжтэй, хариуцлагатай бас найдвартай зан чанар байсан байна (Даниел 6:4). Тэрээр мөн үргэлж талархан залбирдаг байжээ (Даниел 6:10).
    
    
    
    Ертөнцийн Эзэн Бурханы чамд зориулсан хайр болон төлөвлөгөөг олж мэдээрэй

    • 1 Самуэл 16:7
    • Даниел 6:4
    • 1 Петр 2:13-16
    • Галат 5:22-26
    • Даниел 6:10

  • Даниелын амьдрал бидэнд итгэлийнхээ төлөө тэмцэж үйл хэрэг болгож амьдрах хэрэгтэйг хэрхэн харуулж байна вэ?

    Даниел 6:10-т, "Даниел тэрхүү хууль дээр эзэн хаан гарын үсэг зурсныг мэдсэнийхээ дараа [Хаанаас өөр хэнд ч мөргөхгүй гэсэн] гэртээ харьж Иерусалимын зүг уруу харсан онгорхой цонхнуудынхаа хажууд өвдөг сөгдөн Ертөнцийн Эзэн Бурхантай ярьсан бөгөөд урьдны адил өдөрт гурван удаан залбирч Ертөнцийн Эзэн Бурханд талархалаа өргөжээ" гэж бибдид бичсэн байдаг.
    
    
    
    Үнэхээр гайхалтай байна уу? Даниел Ертөнцийн Эзэн Бурханд итгэж байсан тул хичнээн хэцүү байсан ч Ертөнцийн Эзэн Бурханы тушаалыг биелүүлж байсан юм! Үйлдлүүд маань бидний ярьсныг баталж өгдөг. Бид ч бас Ертөнцийн Эзэн Бурханд итгэж итгэсэн зүйлийн төлөө хэцүү бэрхийг сөрөх хэрэгтэй. Хамгийн гол нь хэцүү цагт Ариун Сүнс бидэнд туслах болно.
    
    
    
    Ертөнцийн Эзэн Бурханы чамд зориулсан хайр болон төлөвлөгөөг олж мэдээрэй

    • Даниел 6:10
    • Лук 12:12
    • Матай 10:20
    • Иохан 14:26

  • Даниелын амьдрал бидэнд Ертөнцийн Эзэнтэй ярихын ач тусыг үлгэрлэн харуулж байна уу?

    Мэдээж тэгж байна. Даниел номын 6:10-т, Даниел үргэлж өдөрт гурван удаа залбирч Ертөнцийн Эзэнп талархалаа өргөдөг байсан гэж бичсэн байдаг. Өдөрт гурван удаа гэдэг бидэнд тийм ч гайхалтай содон санагдахгүй байж болно, гэхдээ гол нь эндээс Даниелын хувьд залбирах буюу Ертөнцийн Эзэнтэй ярих нь ямар их чухал байсныг харж болно.  Ертөнцийн Эзэн Бурхантай харилцах нь түүний амьдралын үнэ цэнэтэй зүйлс байсан байна.  Өдөр бүр тогтмол залбирах нь - түүний бас хүмүүжил байв. Христэд итгэх итгэлээрээ өсөхийн тулд бид ч бас залбирах хэрэгтэй, мөн библиэ уншиж, хүндэтгэн магтахыг өөрсдийн хүмүүжил сахилга бат болгох хэрэгтэй. Даниел Ертөнцийн Эзэн Бурхантай ойр дотно харилцаатай байсан тул аюулд ормогц Ертөнцийн Эзэн Бурханаас тусламж гуйж чаддаг байжээ.
    
    
    
    Ертөнцийн Эзэн Бурханы чамд зориулсан хайр болон төлөвлөгөөг олж мэдээрэй

    • Даниел 6:10
    • Лук 6:12
    • 1 Тесалоник 5:16-18

  • Даниелын үнэнч тууштай амьдрал бусдад хэрхэн нөлөөлсөн бэ?

    Даниел шулуун шудрага хүн байсан юм. Энэ зан чанар нь хүмүүст төдийгүй бүхэл бүтэн үндэстэнд нөлөөлжээ. Даниел 6:25-26-д, Дариус хаан дэлхийн бүх үндэстэн ард түмэнд нэгэн захиа илгээсэн байна. Тэр нь Даниелын итгэдэг Ертөнцийн Эзэн Бурханы хаанчлал хэзээ ч устахгүй бөгөөд агуу хүч чадалтай Ертөнцийн Эзэн Бурханыг эмээн хүндл гэсэн утгатай захиа байлаа.  Даниелын шулуун шудрага байдал яг л усны долгион мэт нөлөө үзүүлж байсан юм. Үүнтэй яг адил бидний шудрага байдал эргэн тойрны хүмүүст нөлөөлж байдаг. Ертөнцийн Эзэн Бурхан чамд үнэнч шудрага амьдрахад үргэлж туслах болно.

    • Даниел 6:25-26
    • Үйлс 1:8