Гайхамшигт Ном

Хичээл:

Ертөнцийн Эзэнийг бүхнийхээ дээр, нэгт тавь.

Нэмэлт

• Дүрийн танилцуулга

  • Гурван зочин

    Илүү ихийг олж мэдээрэй
    

    Гурван зочин

    

    Ихэнх хүмүүс энэ гурвыг хүний биеэр үзэгдсэн ер бусын бодгалиуд байсан гэж үздэг.  Зарим хүн тэднийг гурвуулаа Ертөнцийн Эзэний бүтээсэн тэнгэр элч байсан гэж үздэг бол нөгөө хэсэг нь тэр гурвын нэгийг Ертөнцийн Эзэний Хүү, гэрээний элч байсан гэж үздэг.  Энэ гурван зочноор дамжуулж Мөнхийн Эзэн Абрахамд хандан "чиний эхнэр Сара та хоёр хэдий өтөл болсон ч эхнэр чинь хүүтэй болно" гэсэн амлалтыг өгчээ.

    • Библийн тайлбарууд

      • Эхлэл 18:1-2
      • Эхлэл 18:1
      • Эхлэл 18:2

  • Сара

    Илүү ихийг олж мэдээрэй
    

    Сара

    

    Энэ түүхэнд гарч байгаа хүмүүсээс нэрээ өөрчлүүлсэн хүн нь ганц Абрам биш ээ.  Сараи нь Абрахамын эхнэр байв (Эхлэл 11:29). Харин Ертөнцийн Эзэн түүний Сараи нэрийг Сара болгон өөрчилсөн. Абрам, Сара хоёр удахгүй хүүтэй болох болно гэдгийг хэлэхээр ирсэн гурван гийчинд зочиломтгой сайхан хандахад нь Сара нөхөртөө тусалсан (Эхлэл 18:6). Удалгүй Сара хүү Исаакаа төрүүлэв. Исаакийг төрөхөд тэр 90 настай байлаа. Энэ үйл явдал нь Ертөнцийн Эзэн амлалтаа хэлсэн үеэс даруй 25 жилийн хойно болсон юм.

    • Библийн тайлбарууд

      • Еврей 11:11
      • Эхлэл 11:29
      • Эхлэл 20:12
      • Эхлэл 17:15
      • Эхлэл 18:6
      • Эхлэл 18:12
      • Эхлэл 16:1-3
      • Еврей 11:11
      • Эхлэл 23:1-2

  • Абрахам

    Илүү ихийг олж мэдээрэй
    

    Абрахам

    

    Абрахам Ур хотод амьдардаг байлаа. Ертөнцийн Эзэн Абрахамыг агуу үндэстний өвөг эцэг болгоно гэсэн ажээ. Абрахам Ертөнцийн Эзэнд найдаж, түүнийг дуулгавартай дагав. 25 жилийн дараа Абрахамд Исаак нэртэй хүү төрсөнөөр Ертөнцийн Эзэний амлалт биелэлээ олжээ. Ертөнцийн Эзэн Абрахамын итгэлийг сорьж, Исаак хүүгээ тахил болгон өргөхийг тушаав. Ертөнцийн Эзэн хүн төрөлхтөний гэм нүглийн төлөө ганц Хүү Есүс Христээ золиослон өгөхийг энэ явдал урьдаас зөгнөж, дүрслэн харуулсан юм.  Есүс Христийн амьдрал ба загалмайн үхэл таны хувьд ямар утга учиртай болохыг мэдмээр байвал энд дарна уу.

    • Библийн тайлбарууд

      • Эхлэл 15:6
      • Шастирын Дэд 20:7
      • Иаков 2:23
      • Еврей 11:8-19
      • Эхлэл 23:17-20

  • Исаак (залуу)

    Илүү ихийг олж мэдээрэй
    

    Исаак (залуу)

    

    Исаак бол Абрахам, Сара хоёрт Ертөнцийн Эзэний амалсан хүү байв. Тэрээр Абрахамыг 100 настай, Сараг 90 настай байхад төржээ (Чи аав, ээж хоёрыгоо их хөгшин гэж боддог байсан байх). Исаакийг амлалтын хүүхэд гэдэг. Гэвч Ертөнцийн Эзэн Абрахамд тушаан, Исаак хүүгээ Мориа хэмээх газар тахил болгон өргө гэсний дараа тэрхүү амлалт нэг л эргэлзээтэй болж орхив. Дараа нь юу болсоныг мэдэхийн тул энд дарна уу.

    • Библийн тайлбарууд

      • Эхлэл 17:19
      • Эхлэл 21:14
      • Эхлэл 17:19
      • Эхлэл 17:17-19
      • Эхлэл 18:9-15
      • Эхлэл 21:6
      • Эхлэл 22
      • Эхлэл 22:9
      • Еврей 11:19
      • Эхлэл 23:1
      • Эхлэл 25:7-10
      • Эхлэл 25:11

• Видеонууд

  Сорилт - Авралын дуу

  • 

    Сорилт - Авралын дуу

• Асуулт Хариулт

  • Ертөнцийн Эзэн таныг ерөөхийг хүсдэг гэдгийг Абрахамын амьдрал яаж харуулсан бэ?

    Ертөнцийн Эзэн Абрамд (Абрахам) газар нутаг, хүү, үр удмыг бэлэг болгон өгнө гэдгээ амласан. Тэгээд Ертөнцийн Эзэн Абрамыг дагуулан гараад тэнгэрийн оддыг үзүүлж, түүнд урам зориг өгсөн. Абрамын үр удам нь тэнгэрийн од мэт тоо томшгүй олон болно. Ертөнцийн Эзэн өөрийн хүмүүсийг ерөөхийг хүсдэг хайр дүүрэн, өгөөмөр Эзэн мөн.  Тэр таныг хамгаална гэж амласан бөгөөд бүү айгаарай гэж зоригжуулдаг. Ертөнцийн Эзэн таныг ерөөх үед та бусдын амьдралд ерөөл болдог.
    
    
    
    Танд зориулсан Ертөнцийн Эзэний хайр ба төлөвлөгөөг таньж мэдээрэй

    • Эхлэл 12:2
    • Эхлэл 15:1

  • Хүүхэдтэй болоход нас нь өтөл болсон хойноо хүүхэдтэй болсон Абрахам, Сара хоёрын амьдралаас бид юу сурч болох вэ?

    Ертөнцийн Эзэний хувьд хийхэд дэндүү хэцүү зүйл гэж үгүй. Ертөнцийн Эзэн бол бүхний Бүтээгч ба төгс хүчит нэгэн, "агуу сүр, хүч чадал, яруу алдар, ялалт, цог жавхлан” (1 Шастир 29:11) мөн гэдгийг ойлгох үед, "Мөнхийн Эзэний хувьд хэтэрхүү хэцүү зүйл юу ч үгүй" (Эхлэл 18:14, Иеремиа 32:17), "Ертөнцийн Эзэний хувьд боломжгүй юм гэж байхгүй” (Luke 1:37) гэдгийг ухаарна. Юу ч үгүй Үнэхээр юу ч үгүй
    
    
    
    Танд зориулсан Ертөнцийн Эзэний хайр ба төлөвлөгөөг таньж мэдээрэй

    • Эхлэл 1
    • Эхлэл 17:1
    • Шастирын Дээд 29:11
    • Эхлэл 18:14
    • Лук 1:37

  • Абрахам Ертөнцийн Эзэнтэй хэрхэн харилцдаг байсан шиг харилцааг бид Ертөнцийн Эзэнтэй хэрхэн бий болгож болох вэ? 

    Ертөнцийн Эзэн Абрахамд нэгэн онцгой бэлэг өгсөн. Тэр бол Ертөнцийн Эзэнтэй өөртэй нь нөхөрлөх, харилцаатай байх явдал юм. Үнэхээр тийм. Ертөнцийн Эзэнтэй ӨӨРТЭЙ нь нөхөрлөх нь онцгой бэлэг. Энэ бэлэг бол үүрд мөнхийнх. Адам, Ева хоёр гэм хийснээр Ертөнцийн Эзэнтэй харилцах харилцаагаа алдсан. Үр дүнд нь "хүн бүр гэм нүгэл үйлдсэн бөгөөд хүн бүр Ертөнцийн Эзэний яруу жавхлант стандартад хүрч чадахгүй болсон” (Ром 3:23). Хэрэв та гэм нүглээ хүлээн зөвшөөрч, Есүсийг Аврагчаа болгон хүлээн авбал Ертөнцийн Эзэн-Эцэгтэй харилцах харилцаа тань сэргээгдэнэ. “Нүглийн хөлс бол үхэл юм. Харин бидний Эзэн Есүс Христээр дамжуулан Ертөнцийн Эзэн бидэнд мөнх амийг бэлэг болгон өгдөг” (Ром 6:23). Ингэснээр та Ертөнцийн Эзэний хүүхэд болж, мөнх амийг хүлээн авна. Ертөнцийн Эзэнтэй харилцах харилцаа тань мөнхөд байх болно.
    
    
    
    Ертөнцийн Эзэнтэй хэрхэн харилцаатай болох вэ?

    • Ром 3:23
    • Ром 6:23
    • Иохан 1:12
    • Эхлэл 17:7

  • Абрахамын амьдралаас харвал, бидний хувьд хамгийн чухал зүйл юу байх ёстой вэ?

    Юу юуны түрүүнд Ертөнцийн Эзэнийг тавих ёстой гэдгийг бид Абрахамаас сурч болно. Абрахамын хувьд Ертөнцийн Эзэн нэн тэргүүнд байв. Тэрээр Ертөнцийн Эзэнд итгэж, хэлсэн амлалтанд нь найдаж байжээ. Тиймээс тэр Ертөнцийн Эзэнийг дуулгавартай дагаж, Ертөнцийн Эзэнийг бүхнийхээ дээр тавьсан юм. Цорын ганц хайртай хүүгээсээ ч илүүд үзсэн: 1 Самуел 15:22-т Ертөнцийн Эзэн “[o]дуулгавартай байдал нь тахилаас илүү” гэж хэлсэн. Харин Есүс, “Юуны түрүүнд Ертөнцийн Эзэний хаанчлалыг хайж, зөвт амьдралыг эрэлхийлвээс, Ертөнцийн Эзэн хэрэгтэй бүхнийг чинь ханган өгнө” (Матай 6:33) гэсэн. Өөрөөр хэлбэл, бүхний дээр, хамгийн нэгт Ертөнцийн Эзэнийг тавих хэрэгтэй.
    
    
    
    Ертөнцийн Эзэний хайр ба танд зориулсан төлөвлөгөөг таньж мэдээрэй

    • 1 Самуэл 15:22
    • Матай 6:33

  • Абрахам болон Исаакын амьдралд тохиолдсон зүйл бидний төлөө хийх Ертөнцийн Эзэний ажлыг харуулж байна уу?

    Гарцаагүй харуулж байна. Заримдаа бид хэн ч, юу ч тус болж чадахгүй мэт санагдах хүнд хэцүү нөхцөл байдалд ордог. Гэвч Ертөнцийн Эзэн бол хангагч юм. Бид түүнийг дуулгавартай дагах үед, түүнд үргэлж төлөвлөгөө байдаг. Ертөнцийн Эзэн Абрахамын тахилд зориулан эр хонь өгсөн. Тэрхүү хуцыг Абрахам хүүгийнхээ оронд өргөсөн. Энэ бол Ертөнцийн Эзэн гэм нүгэлтнүүдэд авралыг хэрхэн өгсөнийг харуулах "зураглал" юм. Түүний Хүү Есүс Христ (Ертөнцийн Эзэний хурга) загалмай дээр золиос болон нас барснаар гэмт хүн төрөлхтөн бидэнд аврал ирсэн юм. Есүс бол танд зориулсан Ертөнцийн Эзэний төгс бэлэг мөн. Библээс Иоган 3:16-г уншина уу. Ингэхдээ "ертөнц/хүн төрөлхтөн", "бүх хүн" гэх үгийн оронд өөрийн нэрийг орлуулан уншаарай.
    
    
    
    Ертөнцийн Эзэний төгс бэлгийг хэрхэн авахыг эндээс үзнэ үү

    • Иохан 3:16