Гайхамшигт Ном

Хичээл:

Чи хэн нэгэнд буруу зүйл хийсэн бол уучлал эрээрэй.

Нэмэлт

• Дүрийн танилцуулга

  • Иаков (Залуу)

    Илүү ихийг олж мэдээрэй
    

    Иаков (Залуу)

    

    "Мэхлэгч" гэсэн утгатай нэртэй Иаков төрөхдөө л ахынхаа өсгийнөөс зуурч төржээ. Иаков ганц аяга шөлөөр ахынхаа ууган хүүгийн эрхийг сольж авчээ. Тэрээр хожим нь маш чинээлэг болсон бөгөөд ахтайгаа ч эвлэрч чадсан юм. Пениел хэмээх газар Ертөнцийн Эзэн Бурхан түүнд "Ертөнцийн Эзэний Ханхүү" гэсэн утгатай Израиль гэдэг нэр өгсөн байна.  Их өлсгөлөнгийн үеэр Иаков Египет уруу нүүсэн бөгөөд түүний хүү Юусеф нь тэндхийн ерөнхий сайд болсон байв.

    • Библийн тайлбарууд

      • Эхлэл 28:15
      • Эхлэл 25:23
      • Эхлэл 25:29-34
      • Эхлэл 27
      • Эхлэл 28
      • Эхлэл 29
      • Эхлэл 31
      • Эхлэл 32
      • Эхлэл 32:28
      • Эхлэл 33
      • Эхлэл 42
      • Эхлэл 49

  • Есав

    Илүү ихийг олж мэдээрэй
    

    Есав

    

    Есавын гэдэг нь "үсэрхэг" гэсэн утгатай үг юм.   Учир нь тэрээр төрөхдөө л улаан байсан бөгөөд үслэг дээл шиг битүү үсээр хучигдсан байжээ.  Есав нь түрүүлж төрсөн бөгөөд түүний ихэр дүү Иаков өсгийнөөс нь зуурч төржээ. Тэрээр багаасаа л гадуур ажилд дуртай байсан бөгөөд чадварлаг анчин болжээ. Есав ууган хүүгийн эрхээ Иаковт ердөө аяга шөлөөр л худалдсан юм.  Есав Иаков хоёр олон жил хол байсан ч эцэст нь Есав дүүгээ уучилж тэд эвлэрсэн.

    • Библийн тайлбарууд

      • Еврей 12:16
      • Эхлэл 25:25
      • Эхлэл 36:1
      • Эхлэл 25:27
      • Эхлэл 25:28
      • Эхлэл 25:30-34
      • Эхлэл 26:34-35
      • Эхлэл 32
      • Эхлэл 33

  • Исаак

    Илүү ихийг олж мэдээрэй
    

    Исаак

    

    Исаак гэдэг нь "тэр инээдэг" гэсэн утгатай нэр бөгөөд тэрээр Аврахаам Сара хоёрын ганц хүү байсан юм. Ертөнцийн Эзэн Бурхан Исаакыг ивээсэн бөгөөд тэрээр маш баян, чинээлэг хүн болсон. Тэр энхийг эрхэмлэдэг хүн байсан бөгөөд Филистчүүд түүнд атаархан ухсан худгийг нь сүйтгэсэн ч тэр тэдэнтэй зөрчилдөхөөс зайлсхийдэг байсан. Тэр тэдэнтэй тэмцэхийн оронд өөр тийш нүүн дахин худаг ухдаг байв. Исаак Иаковыг гэр бүлтэйгээ хамт Месопотамигаас нүүж ирсний дараа 180 насандаа өөд болсон.

    • Библийн тайлбарууд

      • Эхлэл 26:23-25
      • Эхлэл 22
      • Эхлэл 23:1
      • Эхлэл 24
      • Эхлэл 26:1
      • Эхлэл 26:10-11
      • Эхлэл 26:23-25
      • Эхлэл 35:27-29

  • Ребека

    Илүү ихийг олж мэдээрэй
    

    Ребека

    

    Исаакийн эхнэр Ребека ихэр хүүхэд тээж байх үедээ хэвлий дотор тэмцэлдэх хүүхдүүдийнхээ төлөө Ертөнцийн Эзэн Бурханаас гуйн залбирчээ.  Ертөнцийн Эзэн Бурхан түүнд ихэр хөвгүүд нь хоёр агуу үндэстэн болох бөгөөд ахмад нь дүүдээ үйлчилнэ гэж илчилжээ. Ертөнцийн Эзэн Бурханд найдахын оронд тэр эмэгтэй хайртай хүү Иаковынхоо төлөө буруу зүйл сэдэх болжээ.  Түүнийг насан эцэслэсний дараа Махпелагийн хадан булшинд оршуулсан байна.

    • Библийн тайлбарууд

      • Эхлэл 25:22
      • Эхлэл 24
      • Эхлэл 25:19-26
      • Ром 9:10-12
      • Эхлэл 25:27-34
      • Эхлэл 27:1-40
      • Эхлэл 27:41-46
      • Эхлэл 49:30-31

• Асуулт Хариулт

  • Иаков Есав хоёр шиг хүн бүр онцгой байдаг талаар Библи бидэнд юу заадаг вэ?

    Хүн бүрийн хурууны хээ өөр байдаг нь гайхалтай бус гэж үү? Ертөнцийн Эзэн Бурхан хүн бүрийн онцгойлон бүтээсэн. Чамайг төрөхөөс ч өмнө Ертөнцийн Эзэн Бурхан чиний бүх зүйлийг мэдэж байсан. (Дуулал 139:13-16). Онцлог гэдэгтээ баярла, хүмүүсийн ялгаатай байдлыг хүлээж ав, чамайг бусдаас онцгой болгож бүхний төлөө Ертөнцийн Эзэн Бурханд таларх.
    
    
    
    Ертөнцийн Эзэн Бурханы чамд зориулсан хайр болон төлөвлөгөөг олж мэдээрэй

    • Дуулал 139:13-16

  • Бидний үйлдэл бүр үр дагаврыг дагуулдаг гэдгийг Иаков Есав хоёрын түүх бидэнд хэрхэн харуулдаг вэ?

    Жижиг том, эерэг сөрөг, түр зуурын эсвэл урт хугацааны хамаагүй үйлдэл бүр үр дагавар дагуулдаг. "Хэрэв...тэгвэл" гэдэг бол хүний амьдралын "учир шалтгааны нөлөөний" зарчим бөгөөд библээр дүүрэн байдаг. Хамгийн анх Адам Ева хоёрын хийсэн үйлдлийн үр дагавар бүх хүн төрөлхтөнд - тэр дундаас чамд хүртэл нөлөөлсөн юм. Чиний үйлдэл ганцхан чамд биш бусдад ч бас нөлөөлнө. Ямар нэгэн зүйл хийхээсээ өмнө гарах үр дагаврыг сайтар тунгаан бодоорой.
    
    
    
    Чамд зориулсан Ертөнцийн Эзэний хайр ба төлөвлөгөөг таньж мэдээрэй

    • Эхлэл 3:16-19

  • Чи хэн нэгэнд буруу зүйл хийсэн бол уучлал гуйх хэрэгтэй юу?

    Ертөнцийн Эзэн Бурхан биднийг хурдан уучилдаг – харин бид бусдыг уучлахдаа удаан байдаг. Ертөнцийн Эзэн Бурхан бол өршөөнгүй гэдгийг Библи бидэнд хэлдэг. Биднийг уучлал гуйвал Тэр УУЧИЛНА гэдгээ амласан юм.  (1 Иохан 1:9). Есүс энэ дэлхийд амьдарч байхдаа уучлалын тухай маш их ярьсан байдаг бөгөөд уучлалын ач холбогдлыг онцгойлон тайлбарласан юм. "Бусдыг уучилбал та нарыг ч бас уучилна" гэж Есүс хэлсэн (Лук 6:37). Мөн Тэрээр өршөөнгүй бус өртөний тухай сургаалт үлгэрээр үл уучлахын үр дагаврыг анхааруулсан байдаг. (Матай 18:23-35). Тэнэмэл Хүүгийн тухай сургаалт үлгэр нь (Лук 15) гэмээсээ эргэх тухай онцлон заасан байдаг бөгөөд мөн бид бусдад буруу зүйл хийсэн бол өршөөл уучлалыг нь хэрхэн эрэх ёстойг зүйрлэн харуулсан юм.
    
    
    
    Ертөнцийн Эзэн Бурханы чамд зориулсан хайр болон төлөвлөгөөг олж мэдээрэй

    • 1 Иохан 1:9
    • Лук 6:37
    • Матай 18:23-35
    • Лук 15

  • Уучлал яагаад бэлэг шиг гэж?

    Уучлал бол чиний бусдад өгч эсвэл бусдаас авч болох бэлэг юм. Энэ нь чамайг айдас, харуусал болон өшөө авалтаас хүртэл чөлөөлж чадах гайхалтай бэлэг билээ. Библи бидэнд "Бурхан та нарыг Христ дотор уучилсны адил бие биенээ уучилан, нэг нэгнээ энэрч аядуу зөөлөн сэтгэлээр ханд" гэж заадаг. (Эфэс 4:32) Бусдыг уучлахгүй байхын хор уршгийн тухай Есүс бидэнд хатуу анхааруулсан: “Хэрэв та нар хүмүүсийн алдааг уучилбал тэнгэрлэг Эцэг чинь та нарыг мөн уучилна. Харин та нар хүмүүсийг эс уучилбал Эцэг чинь мөн алдааг чинь эс уучилна” (Матай 6:14-15). Энэ анхааруулгыг зүрхэндээ хүлээн аваарай, бэлэг өгөхийн адил уучлах эсвэл уучлахгүй байхаа чи өөрөө л шийднэ.
    
    
    
    Танд зориулсан Ертөнцийн Эзэний хайр ба төлөвлөгөөг таньж мэдээрэй

    • Эфес 4:32
    • Матай 6:14-15

  • Ертөнцийн Эзэн Бурханаас хэн ч зугтааж чадахгүй гэдгийг Иаковын амьдрал хэрхэн харуулдаг вэ?

    Иаковын цаг үед хүмүүс бурхад нь зөвхөн байгааг газраа л байдаг гэж итгэдэг байжээ.  Харин Иаков Ертөнцийн Эзэн Бурхан хаа сайгүй оршин байдгийг мэдсэн юм. Иаков ахаасаа зугтааж явахдаа Ертөнцийн Эзэн Бурхан өөртэй нь хамт байгааг зүүдэндээ олж мэддэг.  Чи хүмүүсээс зугтаж болно, харин Ертөнцийн Эзэн Бурханаас хэзээ ч зугтаж чадахгүй.  Ертөнцийн Эзэн Бурхан чамтай үргэлж хамт байна гэж амласан.
    
    
    
    Чамд зориулсан Ертөнцийн Эзэний хайр ба төлөвлөгөөг таньж мэдээрэй

    • Эхлэл 28:10-21